Маршал Победы Константин Рокоссовский родился в г.п.Телеханы Ивацевичского района? Подробности читай на странице блога "Мая малая Радзіма"

У музей "Пружанскі палацык" 24 лютага адбылося ўручэнне Мядовай літаратурнай прэміі за 2017 год. Сёлета яе атрымаў івацэвіцкі журналіст, пісьменнік Валерый Гапееў. Прэмія заснавана пружанскім пчаляром-паэтом Міколай Папекам і Брэсцкім аддзяленнем Саюза беларускіх пісьменнікаў і ўяўляе сабой пуд мёду.

Мікола Папека абвясціў, што сёлета прэміяй уганароўваецца Валерый Гапееў «за заўважныя літаратурныя дасягненні».
Валерый Гапееў — івацэвіцкі празаік, аўтар некалькіх кніг, сярод якіх аповесць «Ведзьміна тоня», раманы «Ноч цмока», «Праклён» ды іншыя. Усе іх вы можаце прачытаць у нашай бібліятэцы.
Да гэтага пісьменнік быў ушанаваны літаратурнай прэміяй імя У. Калесніка, прэміяй часопіса «Дзеяслоў» «Залаты апостраф».
«Вы ведаеце, чым гэта прэмія выключна адрозная ад любой іншай, нават самай прэстыжнай? А тым, што гэтай прэміяй вельмі прыемна дзяліцца з роднымі, сябрамі, калегамі,» — напісаў у сваім фэйсбуку Валерый Гапееў уражанні ад атрыманай прэміі. А яшчэ да свайго 55-годдзя Валерый Гапееў выдаў новую кнігу  "Мая мілая ведзьма". Як сведчыць падзагаловак, школьны раман. Трэба абавязкова пачытаць.

Шчыра віншуем паважанага Валерыя Мікалаевіча з юбілеем і з выхадам новай кніжкі.