ТЫДЗЕНЬ ДЗІЦЯЧАЙ КНІГІ
" ПІШУ ЗЯМЛІ МАЁЙ КРАСУ..."
Сустрэча з мастаком і паэтам.
Пад час Тыдня дзіцячай кнігі мы павінны былі сустрэцца з вельмі мужным, таленавітым і цікавым чалавекам, мастаком і паэтам, нашым земляком Галушка Анатолем Мікалаевічам.
Творчасць Анатоля Мікалаевіча знаёма далёка за межамі нашай краіны.
У 17 гадоў ён застаўся інвалідам. Спачатку бальніца, аперацыіі, рэабелітацыі. Потым прысуд - інвалід. Але насуперак лёсу не скарыўся, не застаўся нерухома ляжаць у ложку. Спачатку шмат чытаў. Увесь вольны час. А вольнага часу было ой колькі многа. Патом паспрабаваў маляваць, а потым і пісаць вершы, эсе, невялічкія апавяданні.
Калі вы не ведаеце хто такі Анатоль Мікалаевіч паглядзіце гэта відэа.
Вельмі шкада, што не адбылася у нас выстава карцін мастака, якую мы так сама планавалі правесці на Тыдні дзіцячай кнігі, але мы не адмянялі яе, а проста перанеслі на больш позні час. А вершы Анатоля Мікалаевіча ў выкананні вучняў школы вы можаце паслухаць ужо сёння.
Мы жадаем здароўя Анатолю Мікалаевічу.
Жадаем плённай працы і доўгіх гадоў жыцця.
Мы абавязкова сустрэнемся ў сценах нашай бібліятэкі.
Будзем вельмі чакаць!