Віншуем з перамогай!

Падведзены вынікі конкурсу знаўцаў роднай мовы.

21 лютага, у Дзень роднай мовы, вучні і настаўнікі займаліся тым, што шукалі па школе і разгадвалі рэбусы, складзеныя з беларускіх слоў. Усе вельмі актыўна прымалі ўдзел у конкурсе: гадалі, спрачаліся,  раіліся паміж сабой. Больш за сто адказаў здалі ў бібліятэку. У выніку самыя дапытлівыя і дасціпныя сталі  пераможцамі. Яны атрымалі сэртыфікаты на 9 балаў па беларускай мове. Лепшымі прызнаныя:

1. Клютко Кацярына, 3Б
2. Аніскевіч Сафія, 3В
3. Анішчык Ягор, 6Б
4. Бондар Юлія, 6Б
5. Пятрэнка Дар'я, 6 Г
6. Архіцкая Ангеліна, 7 В
7. Грабун Анастасія, 7В
8. Салонка Лізавета, 7В
9. Крот Лізавета, 7В
10. Цімашэвіч Анастасія, 7 В
11. Галуска Сямён, 9А
12. Рэдзько Анастасія, 9А

На жаль, не ўсе вучні паказалі добрае веданне мовы, у многіх не хапае слоўнікавага запасу, некаторыя блытаюць рускія і беларускія літары. Таму хай гэты Дзень роднай мовы дапаможа ўспомніць, што ўсе мы беларусы, дасць падставу яшчэ раз звярнуцца да  мовы, зацікавіцца ёю. А мы хочам нагадаць верш Янкі Купалы, напісаны ў 1905 годзе, але вельмі актуальны і сёння.

Хоць ты, сэрца, лопні, трэсні

 Янка Купала

Хоць ты, сэрца, лопні, трэсні,

Хоць ты выгані, пан, з хаты, —

Буду пець я свае песні

Ці то ў будні, ці то ў святы!

Думкі, оды пець я буду,

Каб усякі весяліўся,

Каб для гэтага тут люду

Свет інакшы адчыніўся!

Каб на полі ці на лузе,

Ці працуючы ля дому,

Ці ў лесе, ці пры плузе

Пеў ён песні па-сваёму!

Каб ніколі не чураўся

Сваёй родненькае мовы,

У якой узгадаваўся,

Хоць забыўся дзеля новай.