“Два геніі, два класікі”
2022 г. у Беларусі – год гістарычнай памяці. У гэтым
годзе мы святкуем шмат юбілеяў пісменнікаў, якія сваёй творчасцю многа зрабілі
дзеля таго, каб гэта памяць жыла ў шматлікіх пакаленнях людзей. Залатымі
літарамі сярод славутых аўтараў праўдзівага беларускага слова высвечаны імёны
класікаў нацыянальнай беларускай літаратуры Янкі Купалы і Якуба Коласа, з дня
нараджэння якіх сёлета спаўняецца 140 гадоў.
Гэтыя вялікія людзі ўнеслі вялікі ўклад у гісторыю
развіцця роднай мовы. Паэты ўзнялі беларускую літаратуру, узбагацілі яе
несмяротнымі творамі. З’яўленне на беларускай зямлі ў адзін год двух
вялікіх паэтаў – гэта дар Божы. Яны – вочы, вусны, словы простага чалавека. Іх
творы былі такімі зразумелымі, такімі “ тутэйшымі”, што кожны мог лічыць іх
сваімі, расказанымі ад свайго імя. Якуб Колас і Янка Купала – выразнікі
нацыянальнай самасвядомасці, народных пачуццяў. У сваіх творах яны раскрылі
нацыянальны характар, асаблівасці духоўнага складу і жыцця беларусаў, выявілі
незвычайную сілу і творчую магутнасць беларускага слова.
Запрашаем
усіх жадаючых у бібліятэку пазнаёміцца з выставай “Два геніі, два
класікі”, прымеркаванай да 140-гадовага юбілею двух выдатных
беларускіх аўтараў — Янкі Купалы і Якуба Коласа.
Прыемнага прагляду і чытання!