ПІСЬМЕННІКІ-ЮБІЛЯРЫ,
ці ШТО ТЫ ПОМНІШ З УРОКАЎ
БЕЛАРУСКАЙ ЛІТАРАТУРЫ
У лістападзе 2020 года адзначаецца 100-годдзе з дня нараджэння Андрэя Макаёнка і 90-годдзе з дня нараджэння Уладзіміра Караткевіча. Сярод шматлікіх зорак на небасхіле айчыннага пісьменства гэта зоркі першай велічыні. Далёка не кожнаму дадзена ўзнімацца над сваім часам, прадчуваць будучыню, ведаць мінуўшчыну, не баяцца выказаць свае адносіны да сучаснасці.
Творы Андрэя Макаёнка і Уладзіміра Караткевіча мы вывучаем у школе, чытаем для асабістай асалоды, яны ўжо шмат гадоў на слыху. А ці зможаце вы адрозніць творы Макаёнка ад твораў Караткевіча? Ці ведаеце вы выявы гэтых людзей? Ці засталося ў вашай памяці што- небудь з урокаў беларускай літаратуры? Гэта пакажа наш невялічкі тэст.
А калі вы хочаце больш ведаць пра жыццё і творчасць выдатнага беларускага пісьменніка і паэта Уладзіміра Сямёнавіча Караткевіча, вы можаце звярнуцца да нашай выставы "УЛАДЗІМІР КАРАТКЕВІЧ: ВЯДОМЫ І НЕВЯДОМЫ"
