“Наш гонар і наша спадчына”
На нашай зямлі нарадзіліся асобы, творчасць
якіх стала класікай беларускай літаратуры. Нястомны вандроўнік, краязнаўца і
пісьменнік Яраслаў Пархута, паэт і пісьменнік Піліп Пестрак, літаратуразнаўца і
крытык Мікола Грынчык, прафесар і літаратуразнаўца Аляксей Майсейчык. На
Івацэвіччыне раслі слынныя беларускія паэты і пісьменнікі: Мікола Купрэеў,
Анатоль Галушка, Валерый Гапееў, Віктар Рэчыц…
І сёння мы зазначаем, што зямля Івацэвіцкая не
збяднела на таленты. Хочацца вызначыць аднаго з іх - Алеся Фаміча Зайку, які нарадзіўся ў вёсцы Заполле
Івацэвіцкага раёна Брэсцкай вобласці. Руплівы збіральнік фальклору, народнай
лексікі, краязнаўца. Шмат падарожнічаў, сустракаўся, гутарыў з рознымі людзьмі.
Яго цікавілі дыялекталогія, фразеалогія, парэміялогія, мікратапаніміка,
фалькларыстыка, гісторыя сялібаў, краязнаўства.
Ён не аднаразова
наведваў нашу школьную бібліятэку, знаёміў дзяцей са сваёй творчасцю, дзяліўся
сваім багатым вопытам. Падарыў нам шмат сваіх кніг з аўтографам.
Мы прапануем вам кніжную выставу пад назвай “Наш гонар і наша спадчына”, на якой вы зможате бліжэй пазнаёміцца з творчасцю Алеся Зайкі і іншых пісьменнікаў Івацэвіччыны.