Маршал Победы Константин Рокоссовский родился в г.п.Телеханы Ивацевичского района? Подробности читай на странице блога "Мая малая Радзіма"

 МІЖНАРОДНЫ ДЗЕНЬ РОДНАЙ МОВЫ


     21 лютага ва ўсім свеце адзначаюць Дзень роднай мовы. Чаму ўзнікла патрэба стварыць такое свята? Справа ў тым, што па дадзеных ЮНЕСКА (Арганізацыя ААН па пытаннях адукацыі, навукі і культуры), у свеце існуе каля 7000 моў, і палова з іх знаходзіцца  на мяжы вымірання. Тысячы моў не выкарыстоўваюцца ў сістэме адукацыі і не прадстаўлены ў інтэрнэце. З кожным годам колькасць моў памяншаецца. Яшчэ нядаўна налічвалася да 8000 самастойных моў, сёння іх fvfkm на 2000 менш.«Тэмпы знікнення моў, якія мы назіраем, беспрэцэдэнтныя для гісторыі чалавецтва, - кажа мовазнавец Дэвід Харысан. - У лінгвістычную Чырвоную кнігу можна ўнесці больш за 40% моваў свету. Што ж тычыцца флоры і фауны, то пад пагрозай знікнення 8% відаў раслін і 18% відаў млекапітаючых - не так ужо і шмат у параўнанні з мовамі! »  Існуюць праблемы і з нашай беларускай мовай. Таму, пад час свята, мы вырашылі звярнуць больш пільную увагу на нашу родную мову.
    Паводле перапісу насельніцтва, беларускую мову назвалі роднай 6 мільёнаў 340 тысяч грамадзян Беларусі. Па-беларуску дома размаўляюць 23% беларусаў. 18% школьнікаў вывучаюць усе прадметы на беларускай мове. У сувязі з тым, што закрываецца шмат маленькіх вясковых школ, вывучанне ў якіх вядзецца на беларускай мове, гэты працэнт памяншаецца. Двухмоўе, якое ў нашай краіне заканадаўча ўстаноўлена, яшчэ адзін  удар па носбітах беларускай мовы. Дзеля таго, каб наша мова не ўвайшла ў склад выміраючых, мы павінны прыкладаць пэўныя намаганні. Таму 21 лютага ў нашай бібліятэкі прайшла акцыя "Чытаем беларускую!". У гэты дзень размаўлялі, задавалі пытанні і адказвалі на іх у бібліятэцы толькі на беларускай мове. Каб заахвоціць чытачоў больш звяртаць увагу на беларускіх аўтараў, кожнаму, хто браў беларускую кнігу, прэзентаваўся смайлік у выглядзе літары "Ў". Гэта сімвалічны знак унікальнасці нашай мовы, яе непаўторнасці. Чытачы з гонарам насілі на грудзях знак беларускамоўнасці. Калі ў прыканцы дня мы падлічылі колькасць наведвальнікаў бібліятэкі, высветлілася - у нас рэкорд. Бібліятэку наведала больш за 200 чытачоў і кожны з іх узяў чытаць кнігу на беларускай мове, а нехта і не адну!