21 лютага ў свеце адзначаецца Міжнародны дзень
роднай мовы. Бібліятэка таксама ўдзельнічае ў гэтым мерапрыемстве. Для ўсіх
чытачоў арганізавана кніжная выстава “Каб
мова беларуская гучала”. На ёй прадстаўлены выданні на беларускай мове: казкі і
апавяданні, вершы і паэмы, старажытная літаратура, творы пісьменнікаў, якія ўнеслі вялікі ўклад у развіццё беларускай мовы і
літаратуры.
Дзень роднай мовы атрымаўся яркім і запамінальным. Той, хто наведаў
бібліятэку ў гэты дзень, паўдзельнічаў
у конкурсах: адгадваў рэбусы, складаў з раскіданых сказаў беларускія прыказкі і
прымаўкі. Толькі старшакласнікі змаглі справіцца з трэцім заданнем у якім трэба
было скласці з пераблытаных літар прозвішчы пісьменнікаў і суаднесці іх з
партрэтам.