ЦІКАВЫЯ СУСТРЭЧЫ З ЦІКАВЫМІ ЛЮДЗЬМІ
14 красавіка ў нашай бібліятэцы прайшла незвычайная сустрэча. Незвычайная не таму, што ў госці да чытачоў прыйшоў пісьменнік Валерый Гапееў, ён, дзякуй Богу, часты госць у сценах нашай школы, а таму, што сустракаліся з ім не настаўнікі, не вучні старэйшых класаў, а другакласнікі. Усім вядома, што піша Валерый Мікалаевіч ў асноўным для падлеткаў, у апошні час нават для больш дарослых чытачоў. Але ёсць у яго адна кніжка, якая называецца "Сонечная паляна", і разлічана яна як раз на малодшых школьнікаў.
Сустрэча адбылася вельмі жывая і бадзёрая. Мусіць і сам аўтар не чакаў такога пылу з боку чытачоў: яны не толькі перабіваючы адзін-аднаго адказвалі на пытанні, задавалі свае, адгадвалі загадкі, але яшчэ і праінсцэніравалі казку, намалявалі малюнкі і не толькі да казкі "Сонечная паляна", деці адшукалі другія гісторыі, якія Валерый Мікалаевіч друкаваў у часопісе "Вясёлка". Гэта вельмі ўразіла і ўсхвалявала пісьменніка і ён паабяцаў абавязкова яшчэ раз наведацца ў бібліятэку, як толькі выйде наступная кніга для дзяцей. Будзем чакаць :).