ДЗЕНЬ РОДНАЙ МОВЫ Ў ТРЭЦЯЙ ШКОЛЕ
Вы напэўна ведаеце, што 21 лютага ва ўсім свеце святкуюць Міжнародны дзень роднай мовы. Штогод яго адзначае і наша бібліятэка разам з чытачамі.
У гэтым годзе мы запрасілі нашых чытачоў вітацца у бібліятэцы толькі на беларускай мове, развітвацца таксама. Для чытачоў была арганізавана кніжная выстава "Чытаем беларускае" з самых цікавых кніг на беларускай мове. Кожны хто браў беларускую кнігу, атрымоўваў памятны смайлік. Ну і, вядома, мы зноў разгадвалі рэбусы на беларускай мове. Тэмай сёняшней гульні розуму была "Птушкі і жывёлы Беларусі". Бібліятэка атрымала больш за 40 адказаў.
Нажаль, не ўсе яны былі правільнымі. Хтосьці прыносіў групавыя адказы, яны па ўмовах конкурсу не ўлічваліся, хтосьці дапускаў памылкі ў напісанні слоў, некаторыя адказы цяжка было прачытаць, столькі было выкрэсліванняў.
У выніку першымі правільна расшыфравалі словы рэбусаў і атрымоўваюць сэртыфікат на 9 балаў па беларускай мове наступныя вучні:
- Белы Мікіта 6 "А"
- Грабун Анастасія, 8 "В"
- Цімашэвіч Карына, 8 "В"
- Крот Лізавета, 8 "В"
- Макарэвіч Вікторыя, 5 "В"
- Марчук Ксенія, 4 "В"
- Аніскевіч Сафія, 4 "В"
- Корзан Ксенія, 4 "В"
- Саладоўнік Станіслаў, 4 "Б"
- Сазончык Маргарыта, 4 "Б"