КВЭСТ "Чытаем беларускае"

 Як мы і абяцалі, 8 снежня ў 5 "Б" класе прайшоў квэст па кнізе Паўла Місько "Прыгоды Бульбобаў". Вучні спаборнічалі паміж сабой і высвятлялі, хто самы ўважлівы, чыя каманда больш дружная, хто не пакіне сябра ў бядзе, а хто думае толькі пра сябе.

   

Павел Місько - знакаміты беларускі дзіцячы пісьменнік. Многім вядомы яго кнігі "Навасёлы", "Эрпіды на планеце Зямля", "Грот афаліны" і іншыя. Вучні 5 "Б" класа падарожнічалі разам з братамі-блізнятамі Колем і Толем з кнігі "Прыгоды Бульбобаў" па паверхах нашай школы. Шукалі літары-ключы. Выконвалі заданні. Нават

складалі вершы. На жаль не ўсе прачыталі кнігу, што высветлілася ў ходзе гульні. Хочацца адзначыць, што надзея на "халяву" не пакідае нашых дзяцей. Між тым усе стараліся праявіць кемлівасць, хуткасць, розум, а галоўнае многія паказалі сябе сапраўднымі сябрамі. Не дзіўна, што галоўным ключом, які прывёў каманду да перамогі, стала слова "СЯБАР".  Сяброўста яднае клас, дапамагае ў вучобе і жыцці, вучыць лепш разумець людзей. Сябравалі не толькі галоўныя героі кнігі, сябруюць і ўдзельнікі нашай сёняшней гульні. 

Вучні пазнаёміліся з цікавай кнігай, новым аўтарам, а яшчэ яны ў каторы раз зразумелі, што вельмі дрэнна ведаюць родную мову. 

Значыць ёсць над чым працаваць. Дамовіліся сустрэцца яшчэ раз у наступнай чвэрці. Таму, да новых сустрэч з новымі кнігамі!