"ГУЧЫ, МАЯ МОВА ЧАРОЎНАЯ", ці
Моўныя хвілінкі ў пятых класах
![](https://blogger.googleusercontent.com/img/b/R29vZ2xl/AVvXsEgyN86YToAs0gJJuQnix24CDRuPjIuOhHDnNXCSijyC5Ic0CR-Cx5-6WsY_OboyINNeB1P1M7nNVLQjh4Z-ORYMkIDhVUk4FCT4plv-T8Q15NKiTr0MM48VLoY_3bLoYyP62yOsFbEwPC-U/s320/DSC05758.JPG)
Ці ведаеце вы, што ў свеце існуе каля 7000 жывых моў? Але прыкладна кожныя два тыдні адна з іх "памірае". За ўсю гісторыю "памерла" каля 9000 моваў. Беларуская мова па колькасці носьбітаў займае 69 месца ў свеце. Беларускай мовай карыстаюцца і ў Чэхіі, і ў Канадзе, і ў Расіі, і ва Украіне, і ў Польшчы, і ў Прыбалтыцы. Але, на жаль, у нашай краіне яна не займае таго пачэснага месца, якое павінна мець. Каб узбудзіць у дзяцей цікавасць да роднай мовы, мы вырашылі правесці
Тыдзень мовы
![](https://blogger.googleusercontent.com/img/b/R29vZ2xl/AVvXsEjMB-qjY3ZM9ISwvw8Qy_rDws_r4VyVXr20b5qVV3Gy0rplyFj2R7pyjwMPXqQt6vH-0lNvQI8M3KD0knJozPcJ_4VvpaF7HcT74NclimDCBrUFJZbSKoSk0NWOPkxPcxLBz5M3uoEdiiTG/s320/DSC05763.JPG)
для вучняў пятых класаў. Праходзіла мерапрыемства ў форме
моўнага батла. Вучні спаборнічалі ў веданні роднай мовы. Многія хлопцы і дзяўчаты паказалі нядрэннае валоданне мовай: перакладалі з рускай на беларускую мову і наадварот, актыўна адгадвалі загадкі і рэбусы, успаміналі прыказкі і прымаўкі. Вызначылася, што лепш за ўсіх мову ведаюць вучні 5 "А" класа. Самыя актыўныя вучні атрымалі падарункі і нават адзнакі па беларускай літаратуры. Гарбачова А., Трында С., Чатырбок Д., Цярэшка М., Куіс Я., Гаўрыльчук Д., Высоцкі Я., Яцкевіч Д. - гэта далёка не ўсе знаўцы мовы. Напрыканцы сустрэчы большасць удзельнікаў узялі ў бібліятэцы кнігі на беларускай мове, каб палепшыць свой запас беларускіх слоў і атрымаць асалоду ад сустрэчы з беларускай літаратурай.
Няма нічога больш мілагучнага ў свеце, чым гукі роднай мовы. Дык хай жа
ніколі не знікне наша чароўная беларуская мова!