12 красавіка выхаванцы драматычнай студыі "Дэбют" прадстаўлялі на школьнай сцэне пастаноўку па матывах пьесы Янкі Купалы "Паўлінка".
Вучні 9 "А", 10 "Б" і 11 класаў ізноў захаплялі сваімі талентамі. Разважлівы Сцяпан у выкананні Кузьмінова Максіма, яго жонка Альжбэта (Радзівонава Святлана), ганарысты пан Адальф - Радзівонаў Інакенцій, шчырая і вельмі натуральная ў вобразе Паўлінкі Горбач Алеся, Кот Дзмітрый (Пранцісь), якому па тэхнічным прычынам давялося выконваць ажно дзве ролі, яркая і нястрымная Пытляк Ангеліна (Агата) - усе яны заставілі не раз усміхнуцца гледачоў. Прыпеўкі і няўміручая "Лявоніха", якую запальна згуляла "сельская моладзь", яшчэ больш узнялі настрой гледачоў.
Кожны удзельнік пастаноўкі здолеў паказаць сапраўднае акцёрскае майстэрства і творчую індывідуальнасць.
Дзякуй, спадары артысты, за хвіліны асалоды мастацтвам, падораныя вамі!
А яшчэ хочацца павіншаваць Радзівонава Інакенція, выканаўцу адной з галоўных роляў ў спектаклі, з днём нараджэння. Інакенцій ужо не першы год адзначае гэта свята на сцэне. Відаць суджана яму стаць вялікім артыстам.