Тэатр кнігі
З аншлагам прайшла прэм'ера п'есы Янкі Купалы "Прымакі" на школьнай сцэне.
13 красавіка драматычная студыя бібліятэкі прадстаўляла сваю новую пастаноўку па матывам п'ес Янкі Купалы. Удельнічалі ў ёй артысты 8-10 класаў. У галоўных ролях былі заняты Старасценка Павел, Пытляк Ангеліна, Радзівонаў Інакенцій, Жуковіч Алеся, Радзівонава Святлана і Кузьміноў Максім. Вучні так дасціпна, шчыра і весела прадстаўлялі сваіх героеў, з такім запалам, што зал затаіўшы дыханне сачыў за прыгодамі Максіма і Трахіма, Паланеі і Даміцэлі. Сакавітасць купалаўскай мовы, народныя песні, жарты, танцы не пакінулі нікога абыякавым, а яскравы гумар, якім прасякнута п'есы, надоўга ўзняў настрой гледачоў. Менавіта пасля такога свята хочацца чытаць беларускія кнігі, атрымваць асалоду ад беларускага слова, захапляцца аптымізмам, лагоднасцю і знаходлівасцю беларусаў.
Хочацца павіншаваць усіх удзельнікаў з удалай прэм'ерай. А асабіста я хачу павіншаваць Радзівонава Інакенція, які ў гэты дзень святкаваў дзень нараджэння. Хай, Інакенцій, табе заўжды шанцуе ў жыцці, побач з табою будуць сапраўдные сябры і ніколі табе не будзе сумна!
Усім чытачам нашага блога мы дорым нашу пастаноўку.