ВОСЕНЬСКІ ЛІСТАПАД...

У бібліятэку завітала восень. Прыйшла яна з хмурымі ранкамі і з халоднымі дажджамі за вакном, празрыстым паветрам, першым снегам, хрусткай травой, пакрытай шэранню. Прыйшла  з ”Мелодыямі восеньскіх лісцяў”. Менавіта так называецца выстава кніг беларускіх аўтараў пра восень, што дэманструецца гэтымі днямі ў школьнай бібліятэцы.

Пра тое, што “Унылая пора! Очей очарованье!”,  ведаюць усе, але, на жаль, мала ведаюць нашы чытачы цудоўных радкоў, прысвечанных восеньскай пары, на беларускай мове. Мы вырашылі выправіць гэтае становішча і запрасілі у госці выхаванцаў групы падоўжанага дня з іх выхавальніцай Макарэвіч Галінай Уладзіміраўнай. І паліліся мелодыі вершаў Я. Купалы, Ул.Карызны, М.Бусько, П.Пранузы, В.Жуковіча і многіх іншых. А гучалі гэтыя цудоўныя радкі з вуснаў нашых маленькіх чытачоў, другакласнікаў. Яны яшчэ не вельмі ўпэўнена валодаюць мовай, але вельмі стараюцца. Сярод іх нават вызначыліся пераможцы, тыя, хто не толькі

паказалі добрае веданне мовы, але змаглі прыгожа і выразна прачытаць выбраны верш сваім сябрам.