Сатыра і гумар

8 красавіка ў літаратурным музеі школы адбылася прэзентацыя кнігі Віктара Рэчыца  “Сюрпрыз наадварот”. Кніга выйшла ў 2014 годзе. У складаным і нялёгкім жанры сатыры і гумара Віктар Трафімавіч працуе даўно. Ён ужо не раз наведваўся у нашу школу і ў бібліятэку, расказваў пра свае зборнікі “Залаты тавар”, “Свой метад”, “Далей ад граху”, “Штатны сведка”. Вось і сёння ён сустрэўся з вучнямі 7-11 класаў, тымі, хто цікавіцца родным словам, роднай мовай. Віктара Трафімавіча разам з вучнямі запрасілі на экскурсію па літаратурным музеі. Потым паслухалі байкі В.Рэчыца ў выкананні вучняў і паглядзелі электронную прэзентацыю пра жыццё і творчасць паэта. Сам аўтар расказаў пра свой апошні зборнік, прачытаў некаторыя байкі, даў парады пачынаючым паэтам. "Галоўнае - адзначыў Віктар Трафімавіч,- пісаць на беларускай мове, каб адчуваць яе, вучыцца валодаць родным словам."

            Пасля сустрэчы Віктар Рэчыц даў інтэрв’ю карэспандэнтам школьнага тэлебачання, Жадаючыя мелі шанс набыць кнігу Віктара Трафімавіча з аўтографам аўтара.